'Míster Magnolia' é un clásico de Quentin Blake publicado en 1980 e galardoado con importantes premios; un relato rimado cuxo protagonista é un simpático personaxe co que os lectores poden enumerar, do 1 ao 10, distintos elementos que o rodean. De ton alegre e contaxioso, a historia de Míster Magnolia destaca polo humor e a sucesión de disparatadas anécdotas que ocorren, entre as que -a modo de retrouso- se repite a ausencia dunha bota nun dos seus pés. Todo cambia coa chegada, por sorpresa, dun paquete envolto en papel de agasallo... Polo seu ritmo acumulativo, a repetición de estruturas narrativas e o carácter descritivo das ilustracións, 'Míster Magnolia' é un álbum ideal para practicar a lectura en voz alta, facilitando a participación do público. As imaxes resaltan sobre un fondo branco e chaman a atención polo seu variado e intenso colorido, a profusión de detalles, e os trazos imperfectos que enfatizan a expresividade e o dinamismo de cada escena.

Ficha Técnica:

ISBN/EAN: 9788484642503.
Autor: Blake. Quentin,.
Formato: Tapa dura.
Páginas: 36.
Alto: 285.
Ancho: 220.
Fecha de Publicación: Octubre 2016.
Idioma: Gallego.